ვინ ქმნის ახალ ამბავს?

მედიას არ შესწევს უნარი, თვითონ წამოსწიოს ამომრჩველისთვის აქტუალური თემები. წინასაარჩვნოდ პოლიტიკოსები განსაზღვრავენ საზოგადოების დღის წესრიგის.

საარჩევნო ახალი ამბები, რომლებიც ქართული ტელევიზიების მთავარ საინფორმაციო გამოშვებებში ხვდება, ძირითადად პარტიების და კანდიდატების აქტივობებზეა მიბმული. “საინფორმაციო სუბსიდია”, რომელსაც კანდიდატები მედისაშუალებებს აძლევენ, ხშირად ისეთ მოვლენებზეა აგებული, როგორიცაა ეზოების ჩამოვლა და სადარბაზოსთან შეკრებილ მაცხოვრებლებთან შეხვედრა, მთავარ გამზირებზე მსვლელობები, პრესკონფერენციები და ა.შ.

პოლიტიკოსების ასეთი ”საჩვენებელი” აქტიურობის ფონზე მედია ვერ ახერხებს, თავად დასვას აქცენტი, გამოჰყოს მნიშვნელოვანი თემა და არ გაიმეოროს პოლიტიკოსის ფოკუსი. პარტიის ლოგოს ფონზე დამწკრივებული პოლიტიკოსები და “მოსაუბრე თავების” მონაცვლეობა ეკრანზე _ ეს წინასაარჩვენო ახალი ამბების სტანდარტული კადრია.

ნიკა ივანიშვილი მთავრობის გადადგომას მოითხოვს;
გია ჭანტურიამ და ინგა გრიგოლიამ “დედა ენის” ძეგლი ყვავილებით შეამკეს;
ზვიად ძიძიგურმა და კობა დავითაშვილმა რუსთაველზე ჩაიარეს და მაღაზიების ინგლისურენოვანი წარწერები გააპროტესტეს;
ირაკლი ალასანია უნივერსიტეტის სტუდენტებს შეხვდა;
ნოღაიდელი აცხადებს, რომ სააკაშვილი და მერაბიშვილი ხალხის დაშინებით გააყალბებენ არჩევნებს;
ლეიბორისტები ამტკიცებენ, რომ ანტიეროვნული ხელისუფლება სახელმწიფო ენად ინგლისურს გამოაცხადებს...
ამით ავსებს ტრივიალური წინასაარჩევნო ქრონიკა საღამოს საინფორმაციო ეთერში იმ მნიშვნელოვანი საკითხებისთვის განკუთვნილ ნიშას, რომლებიც ზოგადად არჩევნების პროცესს უკავშირდება, მაგრამ სწორედ მედიის არასწორი აქცენების გამო, ტელეეთერისა და ყურადღების მიღმა რჩება.
მაგალითად საარჩვენო კამპანიების დაფინანსება თემა ის საკითხია, რომელსაც კანდიდატები ჯერ არ ეხებიან და არც მედიას ახსენდება. მართალია, ზურაბ ნოღაიდელის “რუსულ ფულზე” ხშირად მიუთითებს “იმედი”, თუმცა ამის დამადასტურებლად ნოღადელის მოსკოვში ვიზიტების შეხსენება არასაკმარისია.

ამომრჩევლისთვის გადაწყვეტილების მისაღებად მნიშვნელოვანი თემები საინფორმაციო გამოშვებებში იშვიათად, მაგრამ მაინც გვხვდება. ასეთი გამონაკლისი იყო “მაესტროს” სიუჟეტი ქალაქში განთავსებული ბილბორდების შესახებ: რა უჯდებათ გარე რეკლამა ნიკა ივანიშვილს, გიორგი ჭანტურიას და დავით იაკობიძეს, რომელთა ბილბორდები ერთმანეთის გვერდიგვერდაა ჩამწკრივებული. ჟურნალისტის თქმით, თითოეული მათგანის ფასი 600 დოლარია, რაც წინასაარჩევნოდ ცალკეულ პარტიას 10-12 ათასი დაუჯდება. დაფინანსების წყაროები კი სიუჟეტში ბოლომდე გაურკვეველი დარჩა, კანდიდატების ბუნდოვანი პასუხების გამო.

პოლიტიკური კომუნიკაციის საკითხს ეხებოდა “ქრონიკაში” გასული სიუჟეტი რეკლამებისა და სლოგანების შესახებ სათაურით “წინასაარჩევნო კრეატივი”. თუმცა, ამ შემთხვევაში მხოლოდ სლოგანების შინაარსზე იყო გამახვილებული ყურადღება. სიუჟეტი ირაკლი ალასანიას სარეკლამო რგოლის კრიტიკით დაიწყო. ჟურნალისტმა აღნიშნა, რომ სოციალურ ქსელ “ფეისბუკში” გამოჩენილი რგოლი უმეტესობამ დაიწუნა. ხაზგასმული იყო სლოგანის და მუსიკის პლაგიატობაც. ალასანიას საარჩევნო მთვარი გზავნილის (“ჩვენ შევცვლით”) “ავტორებად” ქრისტიან-დემოკრატები დაასახელეს, რომელთა ლოზუნგი საპარლამენტო არჩევნებისას “ცვლილებების დროზე” მიუთითებდა. სიუჟეტში მითითებული იყო, რომ მემარჯვენე-ცენტრისტული ქრსიტიან-დემოკრატიული პარტიის კანდიდატ გია ჭანტურიას მემარცხენე დაპირებები აქვს.

თემის ინცირების მცდელობა ჰქონდა “კურიერსაც”, როდესაც სიუჟეტი მერობის კანდიდატთა დაპირებების მიმოხილვას მიუძღვნა. სიუჟეტში აღნიშნული იყო, რომ ოპოზიციური კანდიდატების წინასაარჩევნო პროგრამები სოციალური საკითხების მოგვარებაზე, დასაქმებასა და ჯანდაცვის სფეროს რეფორმაზეა აგებული და ამით ყველა ერთმანეთს ჰგავს. თუმცა მხოლოდ ოპონენტი კანდიდატები აკრიტიკებდნენ ერთმანეთს და პროგრამების განუხორციელებლობის დასაბუთება კონკრეტული სფეროების ექსპერტთა მხრიდან არ ყოფილა.

ზოგადად ნაციონალური მაუწყებლების თემატიკისთვის უცხო იყო “მოამბეში” რეგიონის მაჟორიტარ დეპუტატებზე მოამზადებული სიუჟეტი. იმერეთში, სამეგრელოში, ქვემო ქართლსა და კახეთშიც ოპოზიციური პარტიების წარმომადგენლები ერთსა და იმავე პრობლემებზე საუბრობდნენ: ხარვეზები საარჩევნო სიებში, მათ კანდიდატებზე ზეწოლა დაშინების და გადაბირების გზით, სახელისუფლო კანდიდატთა მხრიდან ადმინისტრაციული რესურსების გამოყენება. ესაა სწორედ იმ ძირეული საკითხების ჩამონათვალი, რომელსაც მაუწყებლები წინასაარჩევნო პერიოდში აქტიურად უნდა აშუქებდნენ და თუნდაც ცალკეულ ასეთ ფაქტს უძღვნიდნენ სიუჟეტს.

მაუწყებლები არც წინასაარჩევნოდ ივიწყებენ ინფორმაციის მოძიების ნაცად ხერხს – თემა სიუჟეტისთვის სხვა მედიასაშუალებიდან მოიპოვონ. იმ მოკლე პერიოდში, რაც წინსაარჩევნო კამპანია დაიწყო, პრესიდან მაუწყებლებმა სამი ასეთი თემა წამოწიეს. ორი მათგანი რუსული გაზეთებიდან იყო. კახი კალაძის შესაძლო გაწევრიანება ნოღაიდელის პარტიაში “სოვეტსკი სპორტისთვის” მიცემული ინტევიუდან იყო, სიუჟეტი “შევარდანძის რევანშისტ” ირაკლი ალასანიას შანსებზე, გახდეს ქყვეყნის პრეზიდენტი, შინაგან საქმეთა მინისტრის ვანო მერაბიშვულის “კომერსანტისთვის” მიცემული ინტერვიუდან. თემაზე – გახდება თუ არა ლევან გაჩეჩილაძე ირაკლი ოქრუაშვილის პარტიის მერობის კანდიდატი – მაუწყებლები საინფორმაციო სააგენტო “პირველზე” დაყრდნობით მსჯელობდნენ.

მაშინ, როცა ჯერ არც ერთ სიუჟეტში არ განხილულა წინასაარჩევნო კამპანიების დაფინანსების, დაგეგმვის ან ადმინისტრაციული რესურსების გამოყენების საკითხები, “კურიერის” მთავარ ახალ ამებებში ხვდება ევროპის მოედანზე ყვავილების საათის დამონტაჟების ამბავი. ჟურნალისტის თქმით, ყველაზე მდიდარი ფერთა პალიტრა მწვანე საათს მაისში ექნება და სწორედ ის აითვლის ახალი მერის პირველ სამუშაო საათებს.

19 აპრილი, 2010
"ლიბერალი"

News number one

It has been already a week since the pre-election campaign has officially started. The "Liberali" magazine will monitor evening news programs for about two months before the end of the campaign. Analysis of major news programs on five TV channels (Rustavi 2, Imedi, Kavkasia, Maestro, and Public Broadcaster) will provide basis to determine what the media focuses on: candidates' programs or their pre-election strategy, how much time is allotted to each mayoral candidate, what issues are emphasized by the broadcasters and what sources they rely on when reporting news.

In an old experiment the Yale University researchers changed the order of news in video records of the same news editions. They showed three different editions to three groups, with a different first news story. After watching the news release the participants of the experiment listed important issues in the same order as it was in the news edition they had watched. The experiment proved the ability of media to determine the order of issues that society finds important.

After officially announcing the launch of the pre-election period, Gigi Ugulava disappeared from the first stories of news editions. According to IRI's ratings, Gigi Ugulava holds 46 percent of support in the rating of mayoral candidates.

Current mayor who the ruling party will name as its mayoral candidate again was not present in last week's top news stories any more. Prior to that, the only rival of Gigi Ugulava in the first stories in all news editions of "Imedi" and "Rustavi 2" was only criminal news in the country. However, Gigi Ugulava's disappearance from the first set of news stories is still counterfeit. It does not matter what topic a top story of a news program is about, Ugulava still "participates" in the number one TV news.

Air catastrophe on the territory of the car factory was the first news of "Kronika" and "Kurieri" on April 6. When presenting the story "Rustavi 2" presenter pointed out that the city mayor also visited the place. And on "Imedi" the first person to appear after the image of the burnt airplane was Gigi Ugulava. For 20 seconds the image was unchanged - the mayor and the head of the city hall's special agency on the place of the accident were obtaining details of what had happened. Chronometry of the commentary is almost the same in the TV story structure. Although Gigi Ugulava did not comment about the air catastrophe in any of the news stories, but his "doing instead of talking" was no less eloquent.

Especially that in the second and third modules of stories the city mayor is stating his opinion. Whatever the story is about - issuing cheap credit to "Georgian Bakery" through the city hall or international forum of economic development, the message of the mayor is unchanged: "We will employ more" and "much more needs to be done." Both phrases enable the audience to view Ugulava in the future perspective. While other mayoral candidates continue rivaling each other, arguing on the strategy of victory, Ugulava is working - each image that shows him depicts his work process.

Gigi Ugulava was in his "working role" in long TV-stories of the second module of April 9 "Kronika" and "Moambe", which were dedicated to the opening of the peace bridge on Rike and visit to the Heroes Square Estacada construction in progress.

The message of the mayor was identical, that any infrastructural novelty means more investments that will contribute to employment of more Tbilisi citizens. As the "Kronika" reporter pointed out, after touring the city Gigi Ugulava deserved praise from the president. The latter approved of the city mayor's "brilliant idea" to build a New York central park type green area along the Estacada in Tbilisi.

On national channels everyone else are in the first module of news stories:

Zurab Noghaideli with trips to regions accompanied by protest actions and "Russian money";

Kakha Kaladze willing to join the Noghaideli team with the failure of the Kala Capital business and the predicted end of career on the background of self-goal images (on the second day in "Maestro" news editions, he demanded from "Rustavi 2" and "Imedi" to show his full phone interview so that people had complete idea on his position and plans);

Nika Ivanishvili, who called the opposition "sheep". In the preview of "Kronika" the program producers refined the term and referred to the opposition as "political sheep";

Kartlos Gharibashvili with an important message that the road to the country's leadership lies across the mayor's post;

Gia Maisashvili with his refusal to raise the mayoral candidacy and on the background of open-handed dance and exercise;

And in the end, everyone together: Levan Gachechiladze, Irakli Alasania, Zviad Dzidziguri, Koba Davitashvili, Sozar Subari, Nino Burjanadze, Kakha Kukava, Davit Gamkrelidze. Stories related to the unified candidate contain about 10-15 comments. Illusion is created that journalists are trying to present position of all sides. But in fact it is totally impossible for the audience to understand the main point of the news story.

The First Channel offers the most different structure and news sequence to the audience. In "Moambe" mainly social stories take first place in the news program. Election topics, for example, are preceded by long reports on treating C hepatitis whereas about one month ago "Moambe" offered the audience a long report about the issue and this story overshadowed even the opening of the Larsi border checkpoint in the program. On the other hand, "Moambe" will dedicate "Moambe Plus" to local elections, three times a week. Mayoral candidates will be invited to the program and, according to the presenter, have the opportunity to gain hearts of the audience.

Certain topics can successfully serve as indicators of which channel chooses what direction for the next two months. The visit of the president and Gigi Ugulava to the city's construction sites turned into the top story of the news shows of "Rustavi 2" and "Imedi" whereas "Maestro" and "Kavkasia" allotted one of the last stories in the news program to the 'stroll' of the president and the mayor.

Vano Merabishvili's interview with "Commersant" titled "The war is not over yet" was the main story of "Maestro" and "Kavkasia" on April 7. National TV channels moved it to later modules and showed it with different emphasis and extracts.

The news that the royal wedding was a Russian project and Givi Targamadze offered Russians 50,000 USD for exploding the Stalin statue was broadcasted only on "Maestro".

Noghaideli's response to Merabishvili's interview was presented by "Kronika" with archive materials to 'open up' his character better: "You will soon read obituaries of Saakashvili and Merabishvili", "we will break their bones" and "it will cost them lives" - threatened Noghaideli in the archive materials of "Kronika".

"Topic-indicators" were stories about the action in front of the "Tbiliselebi" printing house. The Limited Company was established in 2002 and the Ministry of Finance decided to check it on March 25 2010 for the first time. The news found its way in main modules of news editions of all TV channels. However, on "Maestro" and "Kavkasia" the main axis of the story was sealing up the printing house with long sequence of images on the arrest of the action participants. National broadcaster stories started with images of clashes between the police and action participants and threats of the opposition members: "You will miss Bishkek", "Smells like revolution in Georgia". In the second part of the stories, it was narrated what caused the discontent of the opposition members and what the action participants protested against with the blockade of the street. Which one is the main story, closure of the printing house or threats of the opposition politicians? - By changing the order of the main issue and the background, TV channels manage to demonstrate their political loyalty.

Quantity of appearing on the air does not mean quality. Appearance of opposition faces in such abundance and negative context in the main stories of news editions works for the benefit of Gigi Ugulava, hidden in the second and third modules of the news.

P.S. For statistics of last week's media monitoring, go to the magazine's website every Tuesday.

April 13, 2010

"Liberali"

#1 ახალი ამბავი

წინასაარჩევნო კამპანია უკვე ერთი კვირაა, ოფიციალურად დაიწყო. ჟურნალი "ლიბერალი" კამპანიის დასრულებამდე, თითქმის ორი თვის განმავლობაში, საღამოს საინფორმაციო გამოშვებებს დააკვირდება.

ხუთი არხის (რუსთავი 2, იმედი, კავკასია, მაესტრო, საზოგადოებრივი მაუწყებელი) მთავარი ახალი ამბების ანალიზი საშუალებას მოგვცემს, განვსაზღვროთ, რაზეა ფოკუსირებული მედია _ კანდიდატთა პროგრამებზე, თუ მათ წინასაარჩევნო სტრატეგიაზე, მერობის რომელ კანდიდატს, რა დრო ეთმობა, რა თემებს წამოწევენ წინ მაუწყებლები და რა წყაროებს ეყრდნობიან, ახალი ამბის გადაცემისას.

ძველი ექსპერიმენტია, იელის უნივერისტეტის მკვლევრებმა ერთი და იმავე საინფორმაციო გამოშვების ვიდეონაჩანაწერში ახალი ამბების მიმდევრობა გადაანაცვლეს. სამ ჯგუფს სამი სხვადასხვა გამოშვება ანახეს, სხვადასხვა პირველი სიუჟეტით. საინფორმაციო გამოშვების ნახვის შემდეგ კი ექსპერიმენტის მონაწილეებმა მნიშვნელოვანი საკითხები იმ მიმდევრობით ჩამოწერეს, როგორც ეს მათ მიერ ნანახ საინფორმაციო გამოშვებაში იყო. ექსპერიმენტმა დაადასტურა მედიის უნარი, განსაზღვროს იმ ამბების რიგითობა, რითაც საზოგადოება ახალ ამბებს მნიშვნელობას ანიჭებს.

წინასაარჩევნო პერიოდის ოფიციალურად გამოცხადების შემდეგ საინფორმაციო გამოშვებების პირველი ბლოკებიდან გაქრა გიგი უგულავა, რომელსაც IRI-ს რეიტინგების მიხედვით, მერობის კანდიდატთა რეიტინგში 46 პროცენტი აქვს.

ახლანდელი მერი, რომელსაც მმართველი პარტია კვლავ დაასახელებს მერობის კანდიდატად, წინა კვირის მთავარ ახალ ამბებში უკვე აღარ ჩნდება. და ეს მაშინ, როცა “იმედის” და “რუსთავი 2”-ის საინფორმაციო გამოშვებების პირველ ბლოკში აქამდე გიგი უგულავას ერთადერთი “კონკურენტი” მხოლოდ ქვეყნის კრიმინალური ქრონიკა იყო.

თუმცა, გიგი უგულავას პირველი ბლოკიდან გაქრობა მაინც მოჩვენებითია. არ აქვს მნიშვნელობა, რა თემაზეა საინფორმაციოს პირველ ბლოკში გასული სიუჟეტი, უგულავა #1 ტელეამბავში მაინც “მონაწილეობს”.

ავტოქარხნის ტერიტორიაზე მომხდარი ავიაკატასტროფა 6 აპრილის “ქრონიკის” და “კურიერის” პირველი ახალი ამბავი იყო. რუსთავი-2-ზე სიუჟეტის წარდგენისას წამყვანმა აღნიშნა, რომ შემთხვევის ადგილზე ქალაქის მერიც მივიდა. “იმედზე” კი პირველი ადამიანი, რომელიც დამწვარი თვითმფირნავის კადრს მერე გამოჩნდა, გიგი უგულავა იყო. 20 წამის განმავლობაში კადრი უცვლელი იყო _ მერი და მერიის საგანგებო სამსახურის უფროსი ინციდენტის ადგილზე მომხდარის დეტალებს ეცნობოდნენ. სატელევიზიო სიუჟეტის სტრუქტურაში საშუალოდ ამდენივეა კომენტარის ქრონომეტრაჟიც. მართალია, გიგი უგულავას ავიაკატასტროფის შესახებ გასულ არც ერთ სიუჟეტში კომენტარი არ გაუკეთებია, მაგრამ მისი “საქმე ლაპარაკის ნაცვლად”, არანაკლებ მეტყველი იყო.

მით უფრო, რომ საინფორმაციო გამოშვებათა მეორე და მესამე ბლოკებში ქალაქის მერი უკვე საკუთარ აზრსაც აფიქსირებს. რაზეც არ უნდა იყოს სიუჟეტი _ მერიის შუამდგომლობით კომპანია “ჯორჯიან ბეიქერისთვის” იაფი კრედიტის გაცემაზე თუ ეკონომკური განვითარების საერთაშორისო ფორუმზე, მერის გზავნილი ერთი და იგივეა: “მეტს დავასაქმებთ” და “კიდევ ბევრია გასაკეთებელი”. ორივე ფრაზა უგულავას პერსპექტივაში დანახვის საშუალებას აძლევს მაყურებელს. მაშინ როდესაც მერობის სხვა კანდიდატები ჯერ კიდევ ერთმანეთთან პაექრობენ, გამარჯვების მოპოვების სტრატეგიაზე კამათობენ, უგულავა მუშაობს _ ყველა კადრი, რომელშიც იგი ჩანს, მხოლოდ მის სამუშაო პროცესს ასახავს.

გიგი უგულავა “სამუშაო ამპლუაში” იყო 9 აპრილის “ქრონიკის”, “კურიერისა” და “მოამბის” მეორე ბლოკებში გასულ ვრცელ სიუჟეტებშიც, რომლებიც რიყეზე, მშვიდობის ხიდის გახსნასა და გმირთა მოედანზე მშენებარე ესტაკადის დათვალიერებას ეძღვნებოდა.

მერის გზავნილი იდენტური იყო, რომ ნებისმიერი ინფრასტრუქტურული სიახლე მეტ ინვესტიციას ნიშნავს, რაც მეტი თბილისელის დასაქმებას შეუწყობს ხელს. როგორც “ქრონიკის” ჟურნალისტმა აღნიშნა, ქალაქის დათვალიერების შემდეგ გიგი უგულავამ პრეზიდენტისგან შექებაც დაიმსახურა. პრეზიდენტმა ქალაქის მერს მართლაც მოუწონა “ბრწყინვალე იდეა”, რომლის მიხედვითაც თბილისში, ესტაკადის გასწვრივ, ნიუ იორკის ცენტრალური პარკის ტიპის გამწვანებული ტერიტორია შეიქმნება.

ნაციონალურ არხებზე პირველ ბლოკში ხვდება ყველა სხვა:

ზურაბ ნოღაიდელი, საპროტესტო აქცების ფონზე, მიმდინარე გასვლებით რეგიონებში და “რუსული ფულით”;

ნოღაიდელის გუნდთან მიერთების მოსურნე კახი კალაძე, კალა-კაპიტალის ბიზნესის ჩავარდნით და ავტოგოლების კადრების ფონზე ნაწინასწარმეტყველევი კარიერის დასარულით (მეორე დღეს კი ფეხბურთელი “მაესტროს” საინფორმაციო გამოშვებში ითხოვდა “რუსთავისგან” და “იმედისგან” სრულად გაეშვათ მასთან სატელეფონო ინტერვიუ, რათა მაყურებელს სრული წარმოდგენა შექმნოდა მის პოზიციასა და გეგმებზე);

ნიკა ივანიშვილი, რომელმაც ოპოზიციას “ცხვრები” უწოდა, “ქრონიკის” ანონსში კი ეს ტერმინი გადაცემის პროდიუსერებმა კიდევ უფრო დახვეწეს და ოპოზიციას “პოლიტცხვრები” დაარქვეს;

ქართლოს ღარიბაშვილი მნიშვნელოავნი გზავნილით, რომ ქვეყნის პირველი პირობისკენ გზა მერობზე გადის;

გია მაისაშვილი უარით მერობის კანდიდატობაზე და ხელგაშლილი ცეკვისა და ვარჯიშის კადრების ფონზე;

და ბოლოს, ყველანი ერთად:Kლევან გაჩეჩილაძე, ირაკლი ალასანია, ზვიად ძიძიგური, კობა დავითაშვილი, სოზარ სუბარი, ნინო ბურჯანაძე, კახა კუკავა, დავით გამყრელიძე. სიუჟეტები, რომლებიც ოპოზიციის ერთიანი კანდიდატის გამოვლენას ეხება დაახლოებით 10-დან 15-მდე კომენტარს შეიცავს. იქმნება ილუზია, რომ ჟურნალისტები ყველა მხარის პოზიციას წარმოაჩენენ, რეალურად კი სრულიად წარმოუდგენელია მაყურებელი სიუჟეტში გადმოცემულ ამბავში გაერკვეს.

ახალი ამბების მიმდევრობაში ყველაზე განსხვავებულ სტრუქტურას პრველი არხი სთავაზობს მაყურებელს. “მოამბეში” ძირითადად სოციალური ამბებია პირველ სიუჟეტებად, საარჩევნო თემებს წინ უსწრებს მაგალითად ჩ ჰეპატიტით დაავადებულთა მკურნალობაზე ვრცელი სიუჟეტი, მაშინ როცა “მოამბემ” დაახლოებით ერთი თვის წინ ნომერ პირველ სიუჟეტად შესთავაზა მაყურებელს ამ თემაზე ვრცელი მასალა და ამ ამბავმა მაშინ “მოამბის” ეთერში ლარსის სასაზღვრო პუნქტის თემაც კი დაჩრდილა. სამაგიეროდ, “მოამბე” კვირაში სამჯერ მიუძღვნის თვითმმართველობის არჩევნებს “მოამბე პლუსს”, რომელშიც მერობის კანდიდატებს მოიწვევენ. როგორც წამყვანმა აღნიშნა, კანდიდატები შეეცდებიან, თავი მოაწონონ ამომჩევლებს.

Gგარკვეული თემები წარმატებით გამოდგება იმის ინდიკატორად, რომელი არხი რა მიმართულებით გააგრძელებს მუშაობას ამ ორი თვის განმავლობაში. პრეზიდენტის და გიგი უგულავას ვიზიტი ქალაქის საამშენებლო ობიექტებზე, 9 აპრილს “რუსთავი-2”-სა და “იმედის” დღის საინფორმაციო გამოშვებების მთავარ ამბად იქცა, “მაესტრომ” და “კავკასიამ” კი პრეზიდენტისა და მერის სეირნობას ქალაქში ერთ-ერთი უკანასკნელი სიუჟეტი მიუძღვნეს.

ვანო მერაბიშვილის ინტევრიუ “კომერსანტთან” სათაურით “ომი ჯერ არ დამთავრებულა” “მაესტროს” და “კავკასიის” ძირითადი ახალი ამბავი იყო 7 აპრილს. ნაციონალურმა ტელეარხებმა კი იგი მეორე ბლოკებში გადაიტანეს და თანაც განსხვავებული აქცენტებითა და ნაწყვეტებით.

სამეფო ქორწინება რომ რუსული პროექტი იყო და გივი თარგამაძე რომ რუსებს 50 000 დოლარს სთავზობდა სტალინის ძეგლის აფეთქების სანაცვლოდ, მხოლოდ “მაესტროს” საინფორმაციო გამოშვებაში მოხვდა.

ნოღაიდელის პასუხს კი მერაბიშვილის ამ ინტერვიუზე “ქრონიკამ” საარქივო მასალაც მიაშველა მისი პერსონაჟის უკეთ “გასახსნელად”: “მალე სააკაშვილისა და მერაბიშვილის ნეკროლოგებს წაიკითხავთ”, “ფეხებს მივამვტრევთ” და “სიცოცხლის ფასად დაუჯდებათ”, - იმუქრებოდა ნოღაიდელი “ქრონიკის” საარქივო მასალაში.

“თემა-ინდიკატორი” იყო სიუჟეტებიც სტამბა “თბილისელების” წინ გამართული აქციის შესახებ. შპს 2002 წელს დაფუძნდა და მისი შემოწმება პირველად 25 მარტს გადაწყვიტა ფინანსთა სამინისტრომ. ამბავი ყველა არხის საინფორმაციო გამოშვებათა მთავარ ბლოკში მოხვდა, თუმცა “მაესტროსა” და “კავკასიაზე” სიუჟეტის ძირითადი ღერძი სტამბის დალუქვა იყო აქციის მონაწილეთა დაკავების ვრცელი კადრებით. ნაციონალურ მაუწყებლებზე კი სიუჟეტები პოლიციასა და აქციის მონაწილეთა შეხლა-შემოხლის კადრებითა და ოპოზიციის წევრთა მუქარის ფრაზებით დაიწყო: “ბიშკეკი მოგენატრებათ”, “საქართველოში რევოლუციის სუნი მცემს”. მხოლოდ სიუჟეტების მეორე ნაწილში იყო გადმოცემული, რამ გამოიწვია ოპოზიციის წევრთა უკმაყოფილება და რას აპროტესტებდნენ აქციის მონაწილეები ქუჩის გადაკეტვით.A

სტამბის დახურვაა მთავარი ამბავი, თუ ოპოზიციონერ პოლიტიკოსთა მუქარები? – სიუჟეტის ძირითადი თემისა და ფონის გადანაცვლებით, არხები თავიანთი პოლიტიკურ ლოიალობის დემონსტრირებას ახერხებენ.

კადრში გამოჩენის რაოდენობა არ ნიშნავს ხარისხს. საინფორმაციო გამოშვებათა მთავარ ახალი ამბებში ოპოზიციის სახეების ასე უხვად და ნეგატიურ კონტექსტში გამოჩენა კი, მეორე და მესამე ბლოკებში გადამალული გიგი უგულავას სასარგებლოდ მუშაობს.

13 აპრილი, 2010

"ლიბერალი"